- 09:00-22:00
- Escola de Trasmonte
- Maiores de idade
- 90.00 €
O Concello de Oroso acolle unha nova formación homologada pola Xunta de Galicia, imprescindible para quen queira comprar e aplicar produtos fitosanitarios.
O curso terá lugar na Escola de Trasmonte dende o 12 ao 21 de xuño, un total de 25 horas de formación durante os venres pola tarde de 17 a 22 horas e os fins de semana pola mañá de 9 a 14 horas, para facilitar a asistencia.
As prazas son limitidas, e o prezo da actividade é de 90 € (taxas incluidas).
A inscrición pódese realizar a través dos teléfono 886 203 763 e 654 093 411
- 09:00-14:00
- CEIPP Camiño Inglés
- Todas as idades
- GRATUITO
O vindeiro sábado 30 de maio, o CEIP Plurilingüe do Camiño Inglés e o C.B. Obradoiro organizan unha nova edición da Way Cup, un evento deportivo e educativo no que o baloncesto e o Camiño se dan a man.
Dende ás 9:00 horas ata ás 14:00 horas no pavillón de deportes do CEIPP Camiño Inglés terá lugar o VII Torneo de Minibasket.
Un proxecto de mindasket, co apoio do Concello de Oroso.
- 10:00-12:00
- Aula CeMIT Oroso
- Todos os públicos
- GRATUITO
O Concello de Oroso, a través da Aula CeMIT EducaOroso, pon en marcha o itinerario formativo “Intelixencia artificial para o teu día a día”, unha acción formativa gratuíta orientada a achegar a cidadanía ao uso práctico e responsable das ferramentas de Intelixencia Artificial Xenerativa.
O curso desenvolverase en formato presencial cun enfoque eminentemente práctico, deixando de lado a teoría complexa para facilitar que as persoas participantes adquiran competencias útiles para o ámbito persoal e profesional.
- 10:30-14:00
- Sigüeiro
- Todos os públicos
- 5.00 €
O vindeiro 23 de maio, as rúas de Oroso volverán encherse de solidariedade coa celebración da II Andaina Solidaria AFECTO, unha iniciativa destinada a dar visibilidade ao autismo e apoiar ás familias da nosa contorna.
Tras o éxito da primeira edición, a Asociación AFECTO organiza novamente esta xornada aberta á participación de persoas de todas as idades, combinando deporte, natureza e compromiso social nun ambiente familiar e inclusivo.
- 09:00-22:00
- Campo de Fútbol Lino Balado
- Todos os públicos
- GRATUITO
O Torneo de Fútbol 8 da ED Xuventude de Oroso e do Concello de Oroso, celebra a súa XI edición durante os días 1 e 17 de maio de 2026.
Esta duodécima edición do noso torneo terá o seu comezo o venres 1 de maio de 2026 coas primeiras categorías de ALEVÍN e BIBERÓN, dando paso a segunda xornada que se disputará o venres 17 de maio de 2026 coas categorías BENXAMÍN e PREBENXAMÍN.
O torneo celebrarase no Campo de Fútbol Municipal "Lino Balado" e comezará ás 09:00 horas, desenvolvendose ao longo de todo o día ata as 20:00 h.
