- 09:00-22:00
- Escola de Trasmonte
- Maiores de idade
- 90.00 €
O Concello de Oroso acolle unha nova formación homologada pola Xunta de Galicia, imprescindible para quen queira comprar e aplicar produtos fitosanitarios.
O curso terá lugar na Escola de Trasmonte dende o 12 ao 21 de xuño, un total de 25 horas de formación durante os venres pola tarde de 17 a 22 horas e os fins de semana pola mañá de 9 a 14 horas, para facilitar a asistencia.
As prazas son limitidas, e o prezo da actividade é de 90 € (taxas incluidas).
A inscrición pódese realizar a través dos teléfono 886 203 763 e 654 093 411
- 12:00-19:00
- Auditorio Municipal de Oroso
- Todos os públicos
- GRATUITO
O Concello de Oroso e a compañaía Galeatro en colaboración coa ANPA Carboeiro, organizan o III Maratón Teatral do Concello de Oroso que terá lugar o vindeiro domingo 8 de xuño a partir das 12:00 horas no Auditorio Municipal de Sigüeiro.
Un total de tres grupos teatrais, dos cales dous son do Concello, encharán a tarde do domingo de aventuras, contos, alegrías, tristezas, desaires,... e moita, moita ilusión.
- 16:00-19:00
- Casa da Xuventude
- Todos os públicos
- GRATUITO
A unidade móbil do Carné Xove visitará Oroso para facilitar a expedición e activación gratuíta do Carné Xove á mocidade do municipio.
O servizo está dirixido a persoas de entre 12 e 30 anos, ambas idades incluídas.
- 09:00-14:00
- CEIPP Camiño Inglés
- Todas as idades
- GRATUITO
O vindeiro sábado 30 de maio, o CEIP Plurilingüe do Camiño Inglés e o C.B. Obradoiro organizan unha nova edición da Way Cup, un evento deportivo e educativo no que o baloncesto e o Camiño se dan a man.
Dende ás 9:00 horas ata ás 14:00 horas no pavillón de deportes do CEIPP Camiño Inglés terá lugar o VII Torneo de Minibasket.
Un proxecto de mindasket, co apoio do Concello de Oroso.
- 17:00-18:00
- Centro Cultural Casas e Novoa
- Todos os públicos
- GRATUITO
O Concello de Oroso acollerá o vindeiro 29 de maio a charla informativa “O acollemento e o sistema de protección da infancia e adolescencia”, unha iniciativa organizada pola Asociación Galega de Familias de Acollida Acougo co obxectivo de dar a coñecer o funcionamento do sistema de protección de menores e sensibilizar sobre a importancia do acollemento familiar.
A actividade celebrarase ás 17:00 horas no Centro Cultural Fernando Casas e Novoa e está dirixida a todas aquelas persoas interesadas en coñecer máis de preto a realidade de nenos, nenas e adolescentes que precisan dun entorno familiar de apoio e protección.
Durante a sesión abordaranse cuestións relacionadas co acollemento familiar, os distintos tipos de acollemento existentes, o acompañamento ás familias acolledoras e o funcionamento do sistema de protección da infancia e adolescencia en Galicia. A charla tamén permitirá resolver dúbidas e ofrecer información útil ás persoas que estean valorando colaborar neste ámbito.
