- 11:00-13:00
- Biblioteca Municipal de Sigüeiro
- de 12 a 16 anos
- GRATUITO
A Biblioteca Municipal de Oroso acolle o vindeiro 29 de xullo ás 11:00 h un obradoiro creativo para aprender a arte do lettering, dirixido a mozos e mozas de 12 a 16 anos.
O lettering é a arte de debuxar letras, explorando a creatividade para crear composicións visuais atractivas, expresar ideas e mesmo relaxarse a través dunha actividade artística.
Durante o obradoiro aprenderás os trazos básico co brushpen, técnicas para construir letras e palabras con estilo e exercicios prácticos e plantillas para seguir practicando na casa.
Inclúe todo o material necesario, entre eles un brushpen para cada participante, follas de teoría e plantillas para practicar durante o obradoiro e tamén na casa.
As prazas son limitadas e deberase realizar a inscricións no Centro Cultural ou no 981 69 09 03.
- 10:00-12:30
- EducaOroso
- de 12 a 18 anos
- GRATUITO
Os días 27, 28 e 29 de xullo de 10:00 a 12:30 horas terá lugar o Programa Tech Kids - Argallando entre xeracións.
Será unha actividade formativa destinada á rapazada de 12 a 18 anos, que ofrecerá aos participantes unha oportunidade para descubrir o mundo da tecnoloxía a través de sesións eminentemente prácticas, dinámicas e adaptadas á súa idade.
O principal obxectivo de Tech Kids é espertar o interese dos máis novos polas disciplinas STEM (Ciencia, Tecnoloxía, Enxeñaría e Matemáticas), fomentando ao mesmo tempo o pensamento creativo, o traballo en equipo, a resolución de problemas e o uso seguro, responsable e crítico das novas tecnoloxías.
- 09:00-14:00
- Concello de Oroso
- De 6 a 16 anos
- 60.00 €
O Campus Futsal de Oroso FS CD celebrarase durante tres quendas no verán, ofrecendo aos nenos e nenas unha alternativa deportiva e de lecer onde combinarán fútbol sala, piscina, camiñadas, xogos e moitas máis actividades. A proposta está pensada para fomentar a práctica deportiva, a convivencia e a diversión nun ambiente seguro e adaptado ás diferentes idades.
- 12:00-13:00
- Exterior Piscina Municipal
- Todos os públicos
- GRATUITO
Os Bolechas regresan coa súa caravana que se converte nun escenario móbil onde o deporte e a música van da man. Nesta nova aventura, os irmáns organizan un gran karaoke deportivo ao aire libre e convidan o público a cantar, moverse e seguir o ritmo das cancións.
- 09:00-13:00
- Concello de Oroso
- De 8 a 14 anos
- 60.00 €
O Campus Biciescola do Oroso Club Ciclista celebrarase do 6 ao 10 de xullo no Parque do Carboeiro, ofrecendo aos nenos e nenas unha oportunidade para desfrutar da bicicleta nun ambiente lúdico e educativo. Durante cinco xornadas, os participantes combinarán actividades formativas, xogos e saídas en bicicleta por algúns dos roteiros máis emblemáticos da contorna, como o Camiño Inglés, a Vía Verde e o Refuxio.
