Xornadas de Tenis de Mesa

O Plan Corresponsables 2024 é un proxecto financiado pola Xunta de Galicia, en concreto, pola Vicepresidencia Primeira e Consellería de Presidencia, Xustiza e Deportes e pola Consellería de Promoción do Emprego e Igualdade, ademáis de polo Ministerio de Igualdade. A Xunta de Galicia a través da Federación Galega de Tenis de Mesa, puxo en marcha esta iniciativa coa finalidade de impulsar a igualdade e a conciliación familiar, así como a axudar a profesionalizar o sector deportivo con emprego de calidade e de fomentar a práctica gratuíta do tenis de mesa.

Actualmente a FGTM está a desenvolver Xornadas de Tenis de Mesa que se realizarán dende o mes de xullo ao mes de novembro na sede da FGTM, en Oroso. Para máis información e inscricións: Inscrición Plan Corresponsables

A inscrición é completamente gratuíta e destinada a menores de 16 anos. Faranse durante todo xullo e agosto ata o 6 de setembro. Os horarios de 10:00 a 14:00 e de 16:00 a 20:00 h de luns a venres.