ENREDADA
Venres 2 de outubro, ás 20:30 horas
Auditorio Centro Cultural
Dirixido ó público adulto.
Leti da Taberna trae o seu primeiro monólogo no que explora en ton irónico a nosa relación coas redes sociais e como nos inflúen no noso día a día. En galego e con perspectiva feminista, Enredada enche o escenario de luz e enerxía, provocando que a espectadora se vexa identificada coas situacións que se presentan e acabe ríndose de si mesma.
A Serea Mariña
Venres 9 de outubro, ás 20:30 horas
Auditorio Centro Cultural
Dirixido a todos os públicos.
A Asociación Ambar das Persoas con Diversidade Funcional presenta o seu espectáculo de teatro e danza 'A Serea Mariña', o cal nos fala de muller e de mar a través da inspiración de danzas mariñeiras.
O Arcón de Noa
Sábado 17 de outubro, ás 12:00 horas
Auditorio Centro Cultural
Dirixido a maiores de 2 anos.
Noa é unha nena que vive coa súa nai nunha casa apartada, e non ten con quen xogar. No seu arcón garda os xoguetes que xa non a entreteñen. Pero un día, sen decatarse, activa un encantamento e entra no mundo máxico que habita no arcón, onde os xoguetes cobran vida e un ser misterioso goberna sobre eles...
NEURA
Venres 23 de outubro, ás 20:30 horas
Auditorio Centro Cultural
Dirixido a maiores de 13 anos.
Neura é unha comedia que aborda o tema da saúde mental. Iso si, con minúsculas. Os nosos protagonistas conviven con manías propias e alleas. Algunhas delas intentan agochalas mentres amosan outras con orgullo. Ás veces as toleran, noutros casos buscanlles tratamento, pero sempre sofren por elas.
FESTA DO SAMAÍN
Venres 30 de outubro, de 18:30 a 20:30 horas
Carpa diante do Centro Deportivo
Dirixido ó público familiar.
DISCO MÓBIL, OBRADOIRO DE MAQUILLAXE e FOTOMATÓN
CABAZAS DE SAMAÍN
Venres 30 e Sábado 31 de outubro
Centro Cultural
Dirixido a todos os públicos.
Entrega a túa cabaza decorada con temática do Samaín e recibirás un agasallo!.
As cabazas estarán expostas no centro cultural
XACARANDAINA
Sábado 31 de outubro, ás 19:00 horas
Carpa diante do centro deportivo
Dirixido a todos os públicos.
Actuación musical do grupo de música folclórica Xacarandaina.
SONBOLEROS CONCERTO
Venres 6 de novembro, ás 20:30 horas
Auditorio Centro Cultural
Dirixido a todos os públicos.
SonBoleros é un cuarteto que nace para render homenaxe á música latina en Galicia. Cunha liña moi elegante, é a nosa aposta de música latina en Galicia. Os seus compoñentes esforzanse por manter a orixinalidade do estilo xunto coa sonoridade moderna posta ao servizo do seu repertorio, que conserva a esencia da orixe dos estilos, sen perder de vista a elegancia musical e de escena...
UN DEUS SALVAXE
Venres 13 de novembro, ás 11:00 horas
Auditorio Centro Cultural
Función Escolar IES.
Venres 13 de novembro, ás 20:30 horas
Auditorio Centro Cultural
Dirixida a maiores de 13 anos.
Dous matrimonios, adultos e civilizados, atópanse para resolver un incidente protagonizado polos seus fillos pequenos: un deles partiulle dous dentes ao outro nunha pelexa no parque. Nada que uns pais civilizados non poidan resolver.
Con este sinxelo argumento, Yasmina Reza compón unha sátira da sociedade contemporánea e disecciona, con moito sentido do humor, as relacións de parella, a educación, a competitividade,... pero, sobre todo, o exceso de corrección política.
SOLO
Sábado 21 de novembro, ás 12:00 horas
Auditorio Centro Cultural
Dirixido a maiores de 5 anos.
O hábitat natural de calquera pallaso é o escenario, co seu público. ¿Pero que pasa cando queda só? É no camerino onde se mesturan a persoa e o personaxe. Onde se desdebuxa a liña que os separa. Un limbo que non é o escenario nin a vida real. É nesa fronteira onde ten lugar este espectáculo.
A MAQUINA DO TEMPO DAS CIENTÍFICAS
Luns 23 de novembro
Auditorio Centro Cultural
Función escolar.
A actividade "A máquina do tempo das científicas" é unha proposta teatral que busca achegar a igualdade ás aulas a través da ciencia, a historia e a imaxinación.
BERENGUELA NA GAIOLA
Sábado 28 de novembro
Auditorio Centro Cultural
Dirixido a maiores de 6 anos.
Nunha residencia da Terceira Idade traen de volta a Berenguela, unha anciá que aproveita para fuxir en canto pode. Quere volver á súa casa na aldea, onde sempre viviu, onde é feliz. Berenguela protesta, rosma, funga, ata que a súa amiga Aurora consegue acougala. Aurora é outra anciá prisioneira, unha anciá que non lembra ben quen é, así que pode ser o que ela queira. Na mesma residencia está Tomás, que pasa o día mirando pola xanela, cismando nas súas cousas, triste e gris..
