Concurso de Receitas de Entroido "En Galego sabe Mellor"

Receta gañadora: "Rosquillas" por Inmaculada Maria Souto Landeira

• Ingredientes:


• 500 gr de fariña (admite algunha mais, ata que non se pegue nas mans)
• 1 iogur de vainilla. (125gr)
• 250 gr de queixo para untar
• 2 ovos medianos
• 1 sobre levadura Royal
• Raiadura de pel de mandarina
• 100 gr de azucre
• Azucre e Anis para rebozalas

• Pasos a seguir:


• Batir os 2 ovos co azucre.
• Engadir a raiadura de mandarina, o iogur e o queixo para untar. Batir ben ata que esté ben mezcladiño.
• Peneiramos a fariña ca levadura e imos engadindo o anterior. (Admite algunha mais de medio kilo, aquí ir vendo ao amasar que xa non se pegue nas mans para poder manipulala).
• Deixar repousar a masa ½ ora na cociña.
• Facemos boliñas de masa (según o tamaño que queiramos logo as rosquillas, ter tino porque aumentan de tamaño na tixola) e damoslle forma de rosquilla co burato no medio.
• Co aceite na tixola moi quente ir botando as rosquillas. Fanse moi rapidiño asique non deixes de vixilalas. En canto esten douradiñas damoslle a volta… sacamolas e metemolas nun bol con anis (esta operación facemola moi rapidiño) e a continuación no seguinte bol co azucre.
• E bo probeito!

Información

Criterios a seguir para participar:

1. O concurso está dirixido maiores de 16 anos.
2. As receitas terán que ser típicas do Entroido, deberán estar escritas en lingua galega e presentarse en memoria USB ou enviar ao mail cultura@oroso.gal. Así mesmo, deberase presentar o prato elaborado o día indicado pola organización.
3. Valorarase, a presentación e a creatividade, ser típicas do entroido, o sabor, así como a orixinalidade e a lingua da receita.
4. Aceptaranse como máximo dúas receitas por participante, sendo premiada únicamente unha delas.
5. Os participantes presentarán as súas receitas no Centro Cultural Fernando Casas e Novoa, de luns a venres de 9h a 14h e de 16.30h a 20:30h e os sábados de 10 a 13h, tendo como data límite de presentación o martes 14 de febreiro de 2023, antes das 14h. O día 16 de febreiro o prato deberá entregarse cociñado no centro cultural de 9 a 14h ou de 16:30 a 17:30h.
6. Requirirase presentar a seguinte documentación: a receita presentada no concurso en memoria USB ou no mail cultura@oroso.gal, e noutro documento o título da receita cos datos persoais do/a autor/a (nome e apelidos, DNI, enderezo, data de nacemento e teléfono de contacto).
7. O día 18 de febreiro, arredor das 19.30h , terá lugar un acto de entrega de premios, ao cal poderán asistir todos os participantes e o público en xeral, realizarase a entrega durante o concurso de disfraces.
8. Os premios dos gañadores serán os seguintes:

   • Gañador/a: cea para dúas persoas no Restaurante Mirás
   • Finalista: un lote de productos gourmet.

   Ademais, as súas receitas serán publicadas na páxina web do concello: www.oroso.gal