No día de hoxe, o Concello de Oroso recibiu a visita da deputada de Emprego, Industria e Medio Ambiente da Deputación da Coruña, Rosa Ana García, para coñecer de man do alcalde de Oroso, Alex Doval, o impacto do Plan de Emprego Local (PEL) no tecido empresarial e nos servizos municipais do municipio.

Durante a visita, representantes de ambas institucións achegáronse ás instalacións de dúas empresas locais: o ximnasio Ready Go Gym e a clínica Todosaúde, ambas beneficiarias das diferentes liñas de axudas do programa PEL.