O CEIPP de Sigüeiro abre o prazo de inscrición para aquelas persoas interesadas en colaborar no servizo de comedor escolar durante o novo curso académico.

As persoas seleccionadas recibirán unha retribución de 12,50 € por día e, ademais, poderán facer uso do comedor escolar. Os seus fillos e fillas estarán tamén exentos do pago do servizo, como parte das vantaxes desta colaboración.



O prazo de inscrición desenvolverase durante a primeira semana de setembro, cubrindo no propio centro o anexo correspondente.
No caso de non poder acudir presencialmente, o colexio pon á disposición da comunidade educativa outras vías de contacto:
- Chamando ao teléfono do centro.
- A través do correo electrónico ceip.sigueiro@edu.xunta.gal

Desde o CEIPP de Sigüeiro destacan que esta é unha oportunidade para colaborar e apoiar a comunidade educativa de Oroso, contribuíndo ao bo funcionamento dun servizo esencial para o alumnado e as súas familias.

Para máis información, as persoas interesadas poden dirixirse directamente ao CEIP de Sigüeiro.