O fútbol base de Oroso está de celebración. O equipo xuvenil da ED Xuventude de Oroso vén de conseguir un histórico dobre éxito tras proclamarse campión de liga e certificar o seu ascenso á categoría nacional, culminando así unha temporada brillante.

Este importante logro deportivo supón un novo fito para o club e para o deporte no municipio, consolidando o gran traballo que se vén realizando nos últimos anos coa canteira e coa formación deportiva da mocidade.

Ao longo da temporada, o conxunto xuvenil destacou pola súa regularidade, competitividade e espírito de equipo, demostrando un alto nivel tanto dentro como fóra do terreo de xogo. O ascenso é o resultado do esforzo diario, do compromiso e da ilusión compartida por xogadores, corpo técnico, directiva e familias, que foron fundamentais para alcanzar este éxito.

Desde o Concello de Oroso trasladamos un especial recoñecemento a todos os integrantes da entidade deportiva por representar con orgullo o nome do municipio e por converterse nun exemplo de dedicación, compañeirismo e superación para toda a mocidade.

Este ascenso á categoría nacional supón tamén unha excelente noticia para o deporte local, que continúa medrando e acadando metas cada vez máis ambiciosas grazas ao traballo constante das entidades deportivas do concello.

O Concello de Oroso felicitamos á ED Xuventude de Oroso por esta extraordinaria temporada e anímamos a seguir desfrutando do fútbol, levando o nome de Oroso ao máis alto nivel.

Parabéns, campións!