Hoxe, grazas ao Fondo de Compensación Ambiental da Xunta de Galicia, recibimos un novo Equipo de Limpeza Viaria de Alta Presión, que xa está dispoñible para o seu uso polos nosos empregados públicos. Este equipo axudará a mellorar a limpeza das nosas rúas, ofrecendo un servizo máis eficiente e de maior calidade.

Ademais, queremos informar que dentro desta mesma liña de financiamento, nas próximas datas recibiremos unha Máquina Barredora Eléctrica, que contribuirá aínda máis á limpeza viaria do noso concello.

O alcalde, Alex Doval, agradeceu especialmente á Dirección Xeral de Administración Local da Xunta de Galicia e á súa directora, Natalia Prieto Viso , por facer isto posible cunha financiación que ascende a máis de 48.000€.

Imos seguir traballando xuntos por un concello máis limpo e sostible!