O Concello de Oroso anima á veciñanza a celebrar o Día de San Valentín apostando polo comercio local, apoiando así ás tendas e negocios que cada día contribúen a dar vida ao noso municipio.

O amor tamén se demostra co compromiso co entorno máis próximo. Mercar en Oroso significa confiar nas persoas emprendedoras que levantan a persiana cada mañá, ofrecer un trato persoal e próximo e apostar por produtos e servizos de calidade.

De cara a esta data especial, os establecementos locais ofrecen unha ampla variedade de opcións para sorprender con agasallos únicos e personalizados, adaptados a todos os gustos e orzamentos, desde detalles artesanais ata propostas gastronómicas ou experiencias pensadas para compartir.

Apoiar o comercio de proximidade supón tamén fortalecer a economía local, xerar emprego e dinamizar as rúas do concello, contribuíndo a manter un tecido comercial activo e sostible.

Desde o Concello de Oroso lembramos que cada compra conta e que escoller os negocios do municipio é unha maneira de investir no presente e no futuro da nosa comunidade.

Este San Valentín, demostra o teu amor elixindo Oroso!!!