A guía turística de Oroso, está dispoñible en tres linguas: galego, castelán e inglés. O Concello de Oroso editou un total de 3.500 exemplares, dos que 2.000 están en galego, 1.000 en castelán e outros 500 en inglés. Ao longo das súas 130 páxinas en tamaño A5 donde a fotografía prima sobre o texto.

Plano do concello de Oroso onde se recolle de maneira breve pero precisa todos aqueles datos de interese do Concello de Oroso: Como acceder, Datos xerais, Feiras e Festas, Que visitar, Patrimonio, Rutas, Servizos, Aloxamentos, ... Tamén conta cun pequeno rueiro de Sigüeiro.

Os veciños do Concello de Oroso achegaron en total unhas oitocentas fotos das que os autores, Manuel Pazos e Daniel Pereiro, tiveron que seleccionar preto de trescentas para seren publicadas no libro. Acontecementos festivos, mallas, fotos da emigración ou do patrimonio artístico do concello forman parte da escolma, na que se pode observar a evolución que tivo o Concello de Oroso.

Memoria de Oroso é o resultado do traballo desenvolvido no Arquivo Histórico de Imaxes do Concello de Oroso, onde recolle acontecementos do Concello.

Boletín informativo do Concello de Oroso onde se presentan as actividades do mes, novas maís destacadas, axenda para o mes, eventos ...